London Haul

مشترياتي اللندنية

مساء الخير ..

في سفرتي هذي المره حرصت إني ما اشتري ميك اب ولا سكن كير كثير

الين اخلص المنتجات اللي عندي و بعد كذا اشتري بسفره ثانيه :))

ومعتبره السفره للروقان و الاستجمام بس لازم نخربها شوي بالشوبينق :))

ركزت على الملابس و طبعا ما قدرت و اشتريت كم غرض من السكن كير اللي ما اقدر ألاقيه هنا

أولا اخذت عطرين من سلفردجز لان عطورهم مميزة و حصرية .. من THAMEEN اخذت عطر البودرة مررره حلو و خفيف و ريحته ثابته سعره 65 باوند

و من Bayredo  عطر الشعر لان عندي منه العطر الاساسي سعره 195 ريال

من كيلز أخذت الديودرنت لانه يجننن .. اخذته من دبي و أعجبني و رجعت اخذت منه ثاني

و غسول للشعر ومنظف للفروة مدحته لي اللي تشتغل هناك و اخذته اجربه

ومن Pixi اخذت التونك المقشر و سبراي واقي الشمس و مقشر للوجه..

في سفرة استراليا أخذت نظارات شمسية من ماركة Quay Australia و مررره اعجبتني اشكالها حلوه و ستايلش و اسعارها حلوه ..

لقيتها في توب شوب و اخذت منه نظاره ومن نفس توب شوب نظارتين .. كلهم على بعضهم ماكلفوني 600 ريال

صدق انصح فيهم مررره بالذات للي تحب دايما تغير بالنظارات ..

اخذت أي لاينر من ماركة Eyeko مدحته البلوقر مشاعل الرشيد و اخذته .. رسمه حلو و لونه فااحم ..

ومن صيدلية بوتس اخذت رموش Eylure احبها مررره .. قصاتها حلوه و مريحه للعين .. و اخذت معاها القلو تبعها .. و اخذت بنس الشعر اللي هابين فيها الحين .. مرره الوانهم حلوه و سعرهم باوند واحد فررق عن اسعارهم هنا

 ومن بريمارك اخذت بيوتي بلندر اجربها .. حبيتها انها سميكه وماتشفط فاونديشن كثير ..

ومن هارودز اخذت ملابس اطفال بس ما صورتها و سوارة فانكليف اللي من زمااان نفسي فيها ومالقيت اللون اللي ابغاه عندنا..

اتمنى مشتراتي عجبتكم و كان ودي اصور لكم الملابس بس صعب شوي:))

1 comment HAUL