مفضلاتي الفترة الاخيرة | My Favourites

Saturday, October 28, 2017
مفضلاتي الفترة الاخيرة

 
صباح الخير ..
الفترة الاخيرة جربت منتجات جديده مره كثير .. اخترت لكم أفضلها
و اكثر شي اعجبني منهم و شفت فايدة من بعده ..

 
 
كريم سكن دوكتورز لآثار الندبات و الحبوب
يعالجها و يخفف من آثار الشمس و الحروق
استخدمه مرتين يوميا و عندي اثار حبوب و خفت كثيييير
مره اعجبتني نتيجته و مفعوله
 
 
كريم للجسم من ايسوب
مكون من البرتقال و الحمضيات .. ريحته تجنن و ترطيبه عالي مره
حابته كثير و للاسف الماركة مو متوفرة عندنا و ممكن نطلبها من نوردستروم
 
عطر عود ابيض من ماركه سعوديه اسمها الريم
تصنعها بنت سعوديه و روايحها مره ثابته و حلوه و اسعارها حلوه
العطر ب 300 تقريبا
 
 
مجموعة فيجي قرين من بودي شوب
مره ناسبتني لان فروة شعري دهنية
تنظف الفروه مرررره و تطهرها .. اللي يمين مقشر للفروة و اليسار شامبو
مره انصح فيهم بس اللي شعرها جاف بيجففه اكثر

 
سيروم للشعر من ماركة استرالية
بالكوكونت .. كل منتجاتهم من مستخلصات طبيعية يسوونها عائله و تطور شغلهم وتوسعوا
مره اعجبني و الاحلى ان الشعر يمتصه على طول ومايبقى اثر على الشعر
 
 
 
شور جل من ماركة Grace Cole
ماركة بريطانية من منتجات الفواكه
روايحها حلوه و خفيفه
الشور جل اعجبني مره .. ينظف و يرطب
موجود بصيدلية النهدي
 
 
كونسيلر ميك اب فوريفر الترا اتش دي
كثير سمعت عليه مدح و قررت اخيرا اجربه
درجتي بالضبط مالقيتها و اخذت درجه اغمق و درجة افتح للاضاءه
تغطيته مره حلوه و مايخطط
 
 
منظفات الوجه اللي استخدمتها الفترة الاخيرة
مناديل من سيفورا من الرمان
تنظف الوجه و العين و ميزتها انها ماتجفف الوجه و تاخذينها معك كل مكان
 
الثاني من بودي شوب من مجموعة Seaweed
قوامه جل و ينظف مره زين
احطه على وجهي و ميك اب العين و ادمجهم مع بعض الين يذوب كله بعدين اغسله
 
مزيل مكياج العيون المقاوم للماء
احلى شي فيه انه مايبقي أثر دهني .. وتمسح الميك اب كله وماتسبب غباش
اخذته من النهدي
 
 
  Mineralze Chaged Water
مياه معدنية مرطبه وتعطي قلو و انتعاش للبشرة
فرقه عن الفكس بلس لمعه حلوه للبشرة
 
ماسك كويك فيكس
ماسك مقشر للوجه يعطي نضاره ويتغلب على اثار الحبوب
ميزته ان نتيجته فوريه وتحسين بعده ان بشرتك منتعشه
 
 
 
ليب ستك من مارك جيكوب
لونه خرافي يشبه لون محدد سور من ماك
وردي نود خفيف و قوام الروج حلو و مرطب
وتعليبه مره حلو و الغطا فيه مغناطيس قوي يحافظ عليه ماينفتح ولا ينعدم
رقمه 228 infamous

 
كريم Clipp شفته بالسوبرماركت ولا قد قريت عنه أي ريفيو
بس قلت اخذه اجربه لاني احب اجرب شي جديد
مكتوب انه يفتح اليد و فيه سيليكون .. اعجبني ترطيبه مررره بس مااهتميت لنقطة انه يفتح يدي
 
كريم Flexitol للقدمين
اكثر كلمه سمعتها عنه انه سحر .. يخفي تشققات القدمين ويرطبها بعممممق
من اكثر كريمات القدمين اللي ناسبتني
اخذته من صيدلية الدواء و موجود بالنهدي

و اخيرا .. هذي اهم مفضلاتي و اللي حسيت ان فعلا لهم نتيجة
اتمنى التدوينة أعجبتكم .. دمتم لي
 
 

6 comments:

  1. تميزت شركة نقل اثاث بالرياض عماله فلبينيه بامتلاكها عدد كبير ومتنوع من سيارات النقل المجهزة، لجميع أنواع المنقولات المراد نقلها، سواء كنت منقولات كهربائية او نقل اثاث وتقوم شركة نقل عفش بالرياض بنقل جميع أنواع الأثاث والقيام بعملية نقل اثاث بسهولة كبيرة، كما تقدم شركة نقل اثاث وعفش خدماتها في جميع انحاء المملكة العربية السعودية بنفس الكفاءة والاحتراف .

    ReplyDelete
  2. حابته كثير و للاسف الماركة مو متوفرة عندنا و ممكن نطلبها من نوردستروم
    web development vancouver ,
    website design and development vancouver ,

    ReplyDelete

Top