عنايتي بشعري My Hair Routine

Monday, March 7, 2016
 
My Hair Routine
 
 
مساء الخير ..
 
كثير طلبوا مني طريقتي بالعناية بشعري .. ووصفة الحنا اللي أحطها و أيش استفدت منها ..
أولا بقول لكم طبيعة شعري .. هو غير مصبوغ و استخدم الحنا كل شهر ونص او شهرين .. وفروتي دهنية و الأطراف جافة.


و طريقتي هي : أسبوعيا احط بشعري زيت .. و افضّل زيت النارجين لأنه ما يغير لون الشعر ويغذيه ويحميه .. يعطيه لمعه ومفيد لتطويله وملطف للفروة ومضاد للقشرة  ..
او زيت باراشوت بس البعض ما يفضله بسبب ريحته بس اشوفها جدا عاديه ..
و استخدم زيت الارقان اذا حسيت إن اطراف شعري جدا جافه .. لأنه يحتوي على فيتامين E اللي يساعد على تلطيف و ترطيب الشعر الجاف ..
 
 
وبالنسبة للشامبوهات اللي استخدمها كمان استخدمت شامبو اغادير اللي مكون من زيت الارقان .. واذا حسيت إن إفراز الدهون بفروتي زايد و القشره زادت استخدم شامبو Rising و اخذته من مركز العناية بالشعر و البشرة .. لأنه ينظف الفروة من الدهون ويحافظ عليها ..
و استخدمت شامبو كريستاس من لوريال و شامبو مجموعة حمام الهنا من مركز العناية بالشعر و البشرة و شامبو clear لتنظيف الفروة من القشرة
 
 
طبعا هذي الشامبوهات أغلبها بدون بلسم .. لان البلسم مضر للفروة .. واذا لاحظت كثرة القشرة استخدم شامبو نيزورال المضاد للقشرة مرتين بالاسبوع .. أو احط مقدار غطا الخل الطبيعي مع لترين مويه و أشطف فيهم شعري .. مع وضعه على الفروة و فركها
من فوائد الخل انه ينظف الفروة من القشرة ويعطي الشعر لمعه جمييييله .. ويغذيه بسبب إحتوائه على البوتاسيوم المهم بتغذية بصيلات الشعر ويعمل كطبقة عازلة تحمي الشعر من الملوثات و أشعة الشمس وتخليص الشعر من تراكم المواد الكيميائية و الخلايا الميتة..
 
بعد غسل الشعر بالشامبو استخدم بلسم مرطب للأطراف فقط .. و أكبر غلط يرتكبونه بعض البنات انهم يحطون البلسم على الفروة .. وهذي الطريقة تقفل مسام الفروة وتتكون الزيوت فيها وبالتالي الشعر ما يتنفس ويتساقط
 
 
استخدمت بلسم من كريستاس ومن لوريال .. وكريم فروكتس من قارنييه احطه بعد غسل الشعر وما اشطفه .. كمية قليلة جدا مثل عبس التمر
 
 
و كل اسبوع أستخدم ماسكات للشعر وعندي نوعين منهم .. و الماسك مثل البلسم ماينحط على الفروة .. فقط على الاطراف وتعملين مساج للشعرة وبعدها بشوي تغسلينه
 
 
و اسبوعيا استخدم قطرات تلطيف وتنظيف الفروة من Rising و اخذتها من مركز العناية بالشعر و البشرة .. وطريقتها انك توزعينها بكميات متساوية مباشرة على الفروة مع تدليكها .. وبعدها بخمس دقائق تغسلين شعرك بالشامبو .. ومن وقتها بتحسين بإنتعاش بالفروة و كأنها تنفست ..
 
 
أما بالنسبة للحنا فطريقتي فيه هي :
بأبريق شاي حجم وسط او كبير ..تعبيه مويه وتحطي شاي و قشر رمان غير مطحون , 5 حبات قرنفل , ملعقة كجرات (كركديه), ملعقة نسكافيه .. وتخلينه يطبخ فتره طويله..
بعد كذا تصفينه وتتركينه يبرد وتصبينه على 6 ملاعق حنا مطحون .. وتخلطينهم تمام مع بعض وتضيفين ملعقة او ملعقتين بودرة شوكولاتة مرّه و شوي زيت نارجين او زيت ارقان ( احب اضيف عليه زيت عشان ماينشف الشعر كثير )
و لما تحطيه على شعرك وزعيه بطريقة متساوية وبحيث انه يوصل لجميع الشعرات .. و أتركيه من 3 الى اربع ساعات على شعرك وبعد كذا غسليه ..
ثاني يوم أعمل حمام زيت لشعري لأنه يكون جاف جدا .. بجد يا بنات الحنا مرررره نفع شعري ويعطيه لون حلو وطبيعي ولمعه تجنن
 
 
 
و المنتجات الخاصة بالشعر اللي استخدمها بعد الحمام هي : سيروم معطر من كريستاس ( بالذات بعد الحنا ) و سبراي الكيراتين لنفشة الشعر .. او أي سيروم لأطراف الشعر و موجودين بالصيدليات ..
 
 
وإذا بستخدم استشوار او فير احب استخدم قبله سبراي حماية من الحرارة وعندي نوعين كلهم من مركز العناية بالشعر و البشرة ..وسبق وذكرت فوائدهم بموضوع بالمدونة ..
 
 
و أسبوعيا أفرك شعري بالصبار .. و طريقتي هي : أقسم شريحة الصبار قسمين( مثل ماهو بالصورة)  وأفرك الفروة بالمادة اللزجة اللي فيها واترك الشعر طول الليل و أغسله ثاني يوم..
الصبار مفيد لمحاربة البكتيريا و الفيروسات بسبب احتوائه على مادة الأثراكينون .. فهو يطهر ويعقم الشعر ..ويساعد على ضبط التوازن الحمضي الطبيعي للقشرة وينعش الشعر ويمنحه رطوبة بدون ملمس دهني ..
بعد استخدامه بانتظام لاحظت بشكل سريع إن شعري طول و التساقط خف .. و حتى البيبي هير طلعت لي ..
 
و الأهم يابنات انكم تعملون تحاليل بانتظام لنسبة الحديد و الكالسيوم وفيتامين د .. وكمان تتأكدين من عمل الغدة الدرقيه بشكل صحيح ..
وكل شهر تقصين أطراف شعرك عشان ينتعش وتزيد حيويته ..

 ان شاء الله يكون الموضوع عجبكم و أي استفسارات اكتبوا لي هنا ..

8 comments:

  1. حبيت طريقتك بالعناية بشعرك ماشاءالله .. انا ايام الابتدائي كانت ماما كل اسبوع تحني شعري .. و فعلا شعري كان روعة .. بس كبرنا و تكبرنا عالحنا 😅 بس كاني تحمست ارجع لها .. شكرًا عالبوست الجميل جا بوقته😘❤️

    ReplyDelete
    Replies
    1. لو يتركنا الشيطان بحالنا كان نرتاح خخخخخ.. ونبطل صبغات.. جد اتركي الصبغات و ارجعي للحنا وشوفي كيف بيكون شعرك

      Delete
  2. مره حبيت التدوينة ومن جد منتجات كريستاس لا يعلى عليها وندمت اني تركتها
    وحمستيني من جد ع الحنا بس انا ماقدر استغنى عن الصبغات XD
    يعطيك العافيه
    XOXO

    ReplyDelete
    Replies
    1. شكرا لك اشواق .. الحنا صار إدمان بالنسبه لي :))

      Delete
  3. حبيت عنايتك مرا ، والحنا اموت فيه بس حاليا مااقدر صابغه بلاك فماينفع حاليا ❤️❤️

    ReplyDelete
  4. شركة تنظيف منازل بالجبيل
    افضل شركة تنظيف بالجبيل
    شركة تنظيف شقق بالجبيل
    شركة تنظيف فلل بالجبيل
    شركة تنظيف بيوت بالجبيل

    افضل خدمات شركة المثالي جروب للتنظيف بالجبيل نظافة شاملة للمنازل والشقق غسيل جميع انواع المفروشات والكنب والسجاد صيانة دورية للمنزل والمسابح اسعار مميزة بجودة ومواصفات قياسية بخصومات هائلة مع شركة المثالي جروب بالجبيل

    ReplyDelete

Top