The Other Side of ME

جانب مختلف من حياتي

اهلين جميلاتي ..

جايينكم اليوم بفكرة تعاون غيييير شكل >> مع مجموعة من البلوقرز الجميلات..و لانه غير و مميز اخترنا تاريخ مميز 8\8 

بتكون عن اشياء نحبها و متوفره عندنا دائما ... يعني صدق لازم يكون موجود عندي منها كم حبه او متوفر اغلب الوقت سواء بالبيت او اذا طلعت برا ... و مو مثل كل مره من الميك اب او منتجات العناية

بصراحه .. كنت كل شوي التفت لشي منهم و بحطه من المفضلات بس حاولت قد مااقدر ابعد عنهم هالمره عشان تعرفون عني اكثر

راح ابدأ بأكثر شي احبه و أفضله دائما و ابدا .. لما ابغى اسافر مثلا و تكون معاي شنطه تشيل كل احتياجاتي و بنفس الوقت مرتبه

و كمان تنفع زيارات و تفك لي أزمه بكل شي .. اخذ شنطتي شانيل الكلاسك .. و لانها سودا تتحمل الكرف اكثر واكثر

لا اخفيكم اني بعد مااشتريتها تحسفت اني اخذت الحجم الوسط

بس مع الوقت لقيت مافي شي يشيل قشي كله كثرها :))

ثاني شي من الضروريات عندي ومعاي دائما و ابدا .. قصاصة الاظافر .. احتاجها كثير ووقت الطوارئ :))

مثلا ينكسر ظفر او جلد زايد .. او ممكن خيط بملابسي يضايقني :))

يعني بالبيت ممكن افضلها و ارغب بتواجدها اكثر من المقص حتى

ومن الاشياء المهمه عندي ان يكون دائما معاي علبة مويه ..

و هذا الحجم من العلب مره ريحني بالذات انه يدخل الشنطه

و الشي الثاني اللي احب يكون معاي دائما .. خيط الاسنان

ترى جد اتنرفز و اتضايق اذا نسيته

احيانا احس نفسي نفسيه مره اذا تضايقت من عدم وجود اشياء تكون تافهه احيانا هههه

ومن الاشياء المحببة لقلبي و دائما البسه .. حلق اكسسوار ناعم جدا و أول حلق يجي ببالي اذا مستعجله و بطلع

للأسف نسيت من أي محل اشتريته لان له سنين عندي وما تغير فيه أي شي

و كمان هذا الخاتم له عندي تقريبا 6 سنوات

احبه و دائما البسه .. ناعم و مريح باليد لان مافيه بروز

 جاني هديه من اخواتي و اخذوه من مجوهرات المعلم ( طبعا باختياري:) )

ومن قطع الملابس اللي لازم تكون موجوده بدولابي و عندي كذا قطعه منها .. ليقنق زارا المشهور

مريح جدا ويناسب لوكات كثيره

اخر شي .. كثير احب اشرب نعناع .. متوفر عندي دائما و افكر ازرعه ببيتي خخخ

و اشربه بكوبي المفضل بعد من هارودز

حبيت تعرفون مفضلات لي هالمره غير .. و تعرفون قد ايش احبهم و ممكن بعضكم من متابعته لي دايما لاحظ هالاشياء..

و اخيرا ..  التعاون كان مع احب بلوقرز لقلبي

و ياليت تاخذون طله على مشاركتهم بنفس الموضوع

 

المدونه امل

terter_thinks 

المدونه حنان

 chat_with_hanan

المدونه رغد

roro_beautytips

المدونه بيان

bayanola92

المدونه مروه

murmur_blog

 المدونه نوره

whatauraloves

المدونه اشواق 

ashwag khaled

المدونه غاده عبدالله

ghada_abdullah09

 

 

 

1 comment Favorites