Loose powder

Sunday, October 18, 2015


مقارنه بسيطة بين Loose powder  من بن ناي و لورا مرسيه

اهلين حبيباتي ..
في هذا البوست حبيت اسوي مقارنه سريعة بين اللوس باودر اللي نستخدمها لأن كثير محتارين ومو عارفين الفرق بينهم
البودرات تجي انواع .. فيه اللي بتغطية خفيفة وفيه اللي بلمعه و فيه الشفافة

انا حبيت اعمل مقارنه على الموجود عندي و استخدمته .. و أشهر بودرتين الكل يستخدمهم


أولا : Translucent البودرة الشفافة من لورا مرسيه تعطي مظهر نظيف جدا .. ما تعطي مظهر مغبر .. وهي لتثبيت الفاونديشن و الكونسيلر ومنعه من التأكسد و لامتصاص دهون الوجه وكمان لتعبئة الخطوط  .. و الأحلى انها ما تنعكس في التصوير
ثانيا : Banana البودرة المائلة للأصفر من بن ناي .. مميزاتها تشبه كثير لمميزات بودرة لورا مرسيه بس الفرق ان هذي بلون .. مطفي و باهت تقريبا .. مناسبه جدا لبشراتنا الخليجية لأنها صفرا .. ومن مميزاتها انها تمنع اللون الرمادي للكونسيلر إذا وضعتيها تحت العين
استخداماتها : تحت العين و منطقة التي زون بالنسبة للي بشراتهم دهنية اكثر شي
بالنسبة لرأيي .. انا احب لورا مرسيه الشفافة اكثر .. حسيتها أخف على بشرتي من البنانا ولونها ناسبني اكثر

1 comment:

  1. مفيدة المعلومة توني اعرف الفرق .. يعطيك الف عافية 👍🏻👍🏻👍🏻

    ReplyDelete

Top