My Favorites 2015 II مفضلاتي من منتجات العناية و الميك اب

Wednesday, December 30, 2015
مفضلاتي لعام 2015



مساء الخير بنات .. حابه اليوم استعرض لكم بشكل سريع لمفضلاتي هالسنه من ميك اب و سكن كير و منتجات عناية بالشعر


نبدأ اولا بالميك اب :
باليت الكونتور البودره من ماركة استراليز .. حبيتها مره لان الالوان حلوه وتناسب بشراتنا و سعرها جدا رخيص مقارنة بجودتها
باليت الاي شادوز ميت مات من ذا بالم .. ادمنته وصرت مااستخدم مات غيره .. الوانه حلوه ومناسبه لجميع الاوقات
بودرة الفاونديشن من اوربن ديكاي .. جودتها جدا عاليه ومااحس طبقه كاتمه على وجهي
شدوات كلر بوب الميتاليك .. كل الالوان اللي اخذتها جدا حبيتها وجودتهم ممتازه جدا و اسعارهم مناسبه .. عيبهم انهم مو متوفرين عندنا
ارواج لايم كرايم السائله المطفيه .. اخذت اغلب الالوان و اكثر لون حبيته و استخدمته كثير هو riot
روج سيفورا السائل المات رقم 13 جدددا جميل و لونه نيود روعه و دائما اوت اوف ستوك
ليب بالم ميلتد من توفيسد .. اسمه violet .. لونه موف فاتح جددددا مميز اللون و جميل
محددات الشفايف من دييغو دالابالما .. الوانهم حلوه ومو ناشفه .. وبعض الالوان مشابهه لمحددات ماك
جل لاينر من انجلوت .. اخذت الاسود و البني وكلهم حلوين و الوانهم واضحه جدا .. ووتر بروف يبقى لساعات طويله بس عيبهم مو بسهوله ينمسحون
أي لاينر كات فون دي .. جميل جدا و سهل بالرسم
قلم كحل سموكي من اوربن ديكاي .. لونه فاااحم ومايسيح
قلم كحل بيج من نارس .. لونه طبيعي جدا وواضح
بلشر taj mahal من نارس .. اللون وااااضح جدا و ثابت .. حبيت لونه بالذات على بشراتنا لانه مزيج بين الاورنج الغامق و البرونز
بودره شفافه مضغوطه من ميك اب فوريفر اسمها  HD Pressed Powder حلوه لتحت العين و المناطق اللي تحبينها تكون مطفيه ..تثبت الفاونديشن بدون لون
كونسيلر نيكد من اوربن ديكاي .. جدا ممتاز وتغطيته عاليه و درجاته حلوه .. صار بديل كونسيلر نارس عندي
كونتور كريمي ستك من بوبي براون رقم 7 .. جدا حلو وبسرعه يندمج واللون طبيعي
قلم تصحيح الميك اب من ماركة elf صرت مااستغني عنه يصحح اخطاء الاي لاينر بسهوله ومايبقي اثر
ثانيا مفضلات في السكن كير:
بيوتي فلاش بالم من كلارنس .. استخدمه قبل الميك اب يعطي نضاره و ترطيب و مظهر رائع
كريم لمنطقة العين من كلارنس جدا ممتاز للتجاعيد و الهالات
مرطب ومعالج للشفايف من QV ترطيبه ممتاااااز
سبراي تونر tea tree water من لش .. يخفف من الحبوب في الوجه لانه مكافح للبكتيريا
للشعر:
مطهر و مرطب فروة الراس O Rising اخذته من مركز العناية بالشعر و البشره .. ممتاز جدا للفروه قبل غسل الشعر .. احس بانتعاش بالفروه بعد استخدامه لان فروتي دهنيه
هذي تقريبا اغلب مفضلاتي لهالسنه .. اشوفكم ان شاء الله في مفضلات 2016 :))

3 comments:

  1. الله يسعدك من وين ألقى قلم التصحيح حق إيلف من زمان ادوره ����

    ReplyDelete
  2. الله يسعدك من وين ألقى قلم التصحيح حق إيلف من زمان ادوره ����

    ReplyDelete
    Replies
    1. اخذته من امريكا وفيه تاجرات يبيعونه

      Delete

Top