My Favorite Highlighting

Friday, February 19, 2016

إضاءاتي المفضلة





مساء الخير ..

حبيت اتكلم اليوم عن الإضاءات اللي استخدمتها و ناسبتني ..




اولهم إضاءة ماك سوفت اند جنتل Mac Mineralize Skinfinish in Soft and Gentle

اكثر اضاءه ناسبتني للسهرات .. لونها مايل للبيج و المشمشي وتناسب جميع البشرات فيها لمعة قليتر .. وتوزيعها سهل لأنها بودره مو كريميه ..
وكميتها كبييييره ممكن تقعد معاك سنين ..
تحطين كميه بسيطة بالفرشة وتوزعينها .. لو كثرتي ماتطلع حلوه
وتنحط على عظمة الخد وتحت الحواجب وفوق الشفايف وممكن عند مدمع العين تعطي شكل وتوسيع للعين

سعرها تقريبا 150 او اقل شوي وموجود بفروع ماك فقط


سواتش على اليمين اضاءة بنفيت و اليسار سوفت اند جنتل
إضاءة واتس اب من بينفت Benefit Watt’s up

لونها أقرب للؤلؤي .. كريميه صلبه لازم توزعينها بخفه والا تتكتل .. الحلو فيها ان لونها طبيعي جدا وتناسب جميع البشرات سواء الحنطية او البيضاء .. ومافيها قليتر فتناسب جميع الاوقات ..

معاها إسفنجة بالطرف الثاني استخدمتها ما ناسبتني و طريقتي بتوزيعها هي : أمرر فرشة Fan Brush عليها بعدين اوزعها في الاماكن اللي ابغاها ..
سعرها 145 ريال وموجوده بسيفورا و وجوه


اضاءة ماري لو من ذا بالم Mary lou Manizer
لونها بيج مع شيمر خفيف
هي مابين البودره و الكريميه .. متماسكه و سهله بالدمج
مميزاتها ان لونه قوي وثابت ماتحتاجين طبقه ثانيه منها ولمعتها جدا جميله
تناسب جميع البشرات .. سعرها تقريبا 100 ريال

هذي فقط الهايلايترز اللي استخدمتهم .. قولوا لي تجاربكم مع غيرهم و ايش اكثر شي ناسبكم

1 comment:

  1. This comment has been removed by a blog administrator.

    ReplyDelete

Top