The Body Shop Event

Wednesday, October 12, 2016
إيفنت بودي شوب لإطلاق مجموعة ماسكات و باليتات آي شادوز

 
حضرت إفنت بودي شوب لإطلاق الماسكات و باليتات الآي شادوز الجديدة..
كان في قاعة الجلسة بفندق بارك حياة بجده .. القاعه حلوه و هاديه .
استمتعنا كثييييير بالفقرات اللي عملوها و تنظيم الإيفنت و ديكوراته
في البداية طلبوا مننا نغير الشوز اكرمكم الله و نلبس سلبر هم جايبينه
عشان نكون مرتاحين أكثر ونعيش أجواء السبا
 

 
 
في البداية عرضوا لنا انواع الماسكات و طريقة استخدامها
الماسكات عباره عن 5 انواع هي :
 Himalayan Charcoal Purifying Glow Mask
ماسك فحم الهيمالايا يساعد على تفتيح المسام و تنظيفها و زيت الشاي اللي يطهر البشرة وينقيها و اوراق الشاي اللي تحتوي على مضادات الأكسدة
Chinese Ginseng & Rice Clarifying Polishing Mask
ماسك الارز و الجنسنج الصيني المقشر
يعطي البشرة لون موحد و نضاره و الارز الصيني معزز للترطيب و كمان من مكوناته زيت السمسم يعطي نعومه فائقة
British Rose Fresh Plumping Mask
مكون من الورد البريطاني .. ريحته تجنن و يعطي البشرة ترطيب و نضاره
Amazonian Acai Energising Radiance Mask
ماسك الاساي الامازوني
لتنشيط البشرة وإعادة إشراقتها
Ethiopian Honey Deep Nourishing Mask
ماسك بالعسل الاثيوبي يغذي البشرة ويعيد لها حيويتها
الماسكات جربتها تجننن و نتيجتها فوريه .. ممكن تستخدمينها منفرده وممكن تخلطينها مع بعض
 وكلها طبيعية و نباتية 100% .. سعر الواحد 119 ريال وإذا اشتريتيه يعطونك معاه دفتر تلوين يجنن .. تنشغلين فيه إلين ينشف الماسك خخخ
و أعطونا ربطات شعر نلبسها إذا استخدمنا الماسك و الأحلى إنها بأسمائنا
بعد كذا فقرة السبا .. الإفنت كان بالتعاون مع صالون نعومي و قدموا لنا خدمات مثل المساج و البديكير
وبعد كذا فقرة عرض الباليتات .. ألوانها حللللوه و متنوعه و ممكن تستخدمينها لكل اللوكات سواء نهاري او سهره
البقمنت حقها عالي .. جربوها في محلاتهم و احكموا.. سعر الباليت 89 ريال
وكلها نباتية وتحتوي على زيوت طبيعية لتحافظ على صحة الجفون
أتمنى انكم عشتوا الأجواء معاي ..
بجد الإيفنت كان أكثر من رائع .. استمتعنا كثير و طلعونا من الأجواء المعتادة
و تيم بودي شوب جدا راقي و محترم
 
اشوفكم إن شاء الله بتقرير جديد لإيفنت جديد


1 comment:

  1. ليلة من الف ليلة و ليلة😢 حقيقي مرررررا انبسطنا .. مررررررا حبيت البوست 😘❤️❤️❤️

    ReplyDelete

Top