Dubai Haul

Thursday, November 23, 2017
مشترياتي من دبي


مساء الخير جميلاتي ..
كثير بسناب شات طلبوا مني اصور مشترياتي من دبي .. بس فضلت احطها هنا عشان تثبت والكل يشوفها
 
الحمد لله هالسفرة حاولت قد ما اقدر ما اشتري كثير خخخخ
 
 
أولا اشتريت البالت اللي من اول ماطلع وانا نفسي فيه .. مع انه نزل عندنا بس خفت يكون مخلص اذا رجعت
و على طول اخذته من سيفورا دبي مول
 
بالت هدى بيوتي .. اللي جذبني فيه درجات الموف .. حبيت انه متنوع مابين المطفي و الشيمر
سعره 250 ريال
 
و اخذت تونر من كودالي .. كثييير مدحوه و من اول ودي اجربه
و بما ان التونر اللي عندي بيخلص قلت فرصه اجرب جديد
Concentrated Brightening Essence
مكون من حمض الجلايكوليك و ماء العنب
يزيل الشوائب و القضاء على خلايا  الجلد الميته و يعطي البشره منظر صحي و لمعه طبيعيه
سعره تقريبا 160 ريال
 
حلق صغير ناعم اخذته من كورنر لشركه سنغافوريه قريب من الاكواريوم
عندهم اشكال حلقان زركون حلوه و اخذت هذا ب 140 ريال
جميل مره للاستخدام اليومي
 
 
صندل سان لوران .. احب هذا اللون لانه يناسب ملابس كثيره عندي
سعره 3600 و مريح مرررره
تيشيرت من كنزو .. حبيت ألوانه و انها تناسب التنورة اللي اخذتها
سعره 400 ريال تقريبا
التنورة  مره اعجبتني لانها ترند هالفتره .. ميدي و بليسيه و فيها قلتر من محل ايطالي اسمه Kocca سعرها 770 ريال
 
 
و اخذت ليقنق من H&M ناسيه سعره بس اتوقع بحدود 140
لونه فضي بقلتر .. اخذته لاني اخذت بلوزه سودا من cos و حسيت بيناسب مررره معاها
الصوره اخذتها من موقعهم عشان تشوفون الموديل زين .. سعرها اظن340
باللبس مررره جميله
بس هذا المحل بالذات مقاساته غيييير و موديلاته ماتناسب أي جسم
لازم تقيسين اللبس عندهم
 

و بس .. هذي أهم مشترياتي و ياليت تكون اعجبتكم ..

14 comments:

  1. حبيت المشتريات ، الصندل أتفق معك يجنن ومريح وأحلى شي انك اخترتيه نود هاللون أسميه لون فك الأزمات هههه لأنه حرفياً يمشي مع كل شيء بالمجرة حتى ناوية أخذ الفلات النود اللي منزلينه صار بقائمة مشترياتي بس رحت هنا بسنتريا لقيته سولد اوت ، باليت هدى بيوتي شكله جميل بس كنت انتظر احد يشجعني عليها وشكلي باخذها بعد هالبوست وباقي المشتريات جميلة وشكراً عالبوست الحلو اول مرة اكتشف مدونتك خيالية الله يوفقك يارب

    ReplyDelete
  2. تتميز دبي بمحلات الورود والهدايا الفريدة، حيث تجد مجموعة رائعة من الزهور والهدايا الاستثنائية. سواء كنت تبحث عن تجهيزات زفاف أو تهنئة خاصة، تتميز محلات الورد في دبي ومحلات الهدايا في دبي بتقديم أجمل الورود والهدايا الفاخرة. يمكنك اكتشاف تشكيلة مذهلة من الزهور المبهجة في محل ورد في اتحاد مول، حيث ستجد الهدية التي لا تُنسى لتقديمها لأحبائك بأسلوب مميز.

    ReplyDelete

Top